समता-बंधुत्वाचा संदेश… प्रणोती निंबोरकर यांच्या हस्ते महात्मा फुले यांना अभिवादन

Related Articles

माओवाद्यांचा घातपाती कट उधळला! शस्त्रनिर्मिती साहित्य घटनास्थळीच नष्ट.

3 days ago

दुपारी 12 ते 4 बाहेर जाणे टाळा; राज्यावर उष्णता आणि पावसाचे दुहेरी संकट

April 26, 2026

विद्यार्थ्यांसाठी जर्मनी-जपानमध्ये रोजगाराच्या संधींसाठी MSBTE–CII सामंजस्य करार

April 23, 2026

गडचिरोली (Gadchiroli) :- क्रांतीसूर्य महात्मा ज्योतिबा फुले यांच्या जयंतीनिमित्त गडचिरोली नगर परिषद येथे आदरांजलीचा भावपूर्ण कार्यक्रम उत्साहात पार पडला. समता, बंधुता आणि शिक्षणाचे पुरस्कर्ते असलेल्या महात्मा फुले यांच्या कार्याला यावेळी अभिवादन करण्यात आले. कार्यक्रमात नगराध्यक्ष ॲड. प्रणोती सागर निंबोरकर यांच्या हस्ते महात्मा फुले यांच्या प्रतिमेला पुष्पहार अर्पण करून अभिवादन करण्यात आले. उपस्थित मान्यवरांनी त्यांच्या समाजपरिवर्तनातील योगदानाचा गौरव करत, आजच्या काळात त्यांच्या विचारांची अधिक आवश्यकता असल्याचे मत व्यक्त केले.

महात्मा फुले यांनी शिक्षणाच्या माध्यमातून वंचित व शोषित घटकांना मुख्य प्रवाहात आणण्याचे कार्य केले. त्यांच्या समतेच्या आणि बंधुत्वाच्या विचारांनी भारतीय समाजाला नवी दिशा मिळाल्याचे यावेळी अधोरेखित करण्यात आले.आपल्या मनोगतात नगराध्यक्ष ॲड. प्रणोती निंबोरकर म्हणाल्या की, “महात्मा फुले यांचे विचार आजही प्रेरणादायी आहेत. समाजातील प्रत्येक घटकापर्यंत शिक्षण पोहोचवून समानतेची भावना बळकट करणे हे आपले कर्तव्य आहे.”

या कार्यक्रमाला नगरसेवक, सभापती तसेच नगर परिषद कर्मचारी मोठ्या संख्येने उपस्थित होते. कार्यक्रमाचे वातावरण प्रेरणादायी आणि उत्साहपूर्ण होते.

महात्मा फुले यांच्या जयंतीनिमित्त आयोजित या उपक्रमातून त्यांच्या विचारांची नव्याने उजळणी होत, समाजात समता, बंधुता आणि शिक्षणाचा संदेश अधिक दृढ करण्याचा संकल्प व्यक्त करण्यात आला.